Vegtrafikksentralen vest melder tysdag ettermiddag om at det har gått eit ras på fylkesveg 5627 i Aurland. Det er snakk om eit mindre ras på vegen opp mot Stegastein.
– Det er ikkje større enn at folk har prøvd å koma seg forbi, seier trafikkoperatør Kjetil Larsen hjå Vegtrafikksentralen.
– Kor lenge kjem vegen til å vera stengd?
– Det blir opp til entreprenør å vurdera.
Ingen personar skal ha blitt skadde i raset.
Oppdatering: Vegen er framleis stengd. Ny vurdering onsdag klokka 12:00.