Brannvesenet rykte laurdag ut til ein brann i sykkelskur i Kyrkjevegen i Sogndal.
– Det kan vera fare for spreiing til anna uthus, skreiv 110 Vest på Twitter kl. 19:12.
Fem minutt seinare kom meldinga om at brannen var sløkt.
– Brannvesenet var raskt framme, og fekk grei kontroll på flammane, seier vaktleiar Jostein Steinsland-Hauge ved 110 Vest.
Dei fekk melding om brannen av ein forbipasserande. Ifølgje Steinsland-Hauge står sykkelskuret ved Stedje barnehage.