Fleire av spelarane tenestegjer som soldatar, men får løyve til å forlata fronten for å kunne delta i cupen. Målvakta som ligg såra på sjukehus skal prøve å koma som ikkje-spelande, skriv turneringsleiinga i ei pressemelding.

Turneringsleiar Roald Flodsand kan informera om at om lag 20 av Ukrainas mest kjende fotballstjerner vil delta i årets Veterancup i fotball i Lærdal, Årdal og Aurland 27.–29. januar 2023.

Alle spelarane har gjort karriere i ukrainsk eller europeisk toppfotball. Dei aller fleste har spelt på det ukrainske landslaget.

Du kan sjå namneliste nederst i saka.

Samlar inn pengar

Ukraina stiller landslag pluss eit klubblag under Veterancup 2023.

Målet er å samla inn pengar til generatorar, aggregat, ambulansar og andre tiltak som bidreg til å hjelpa det ukrainske folket gjennom vinteren.

Veterancupen samarbeider med den ukrainske ambassaden. Ukrainas ambassadør eller chargés d'affaires vil vera til stades under turneringa.

Det blir planlagt møte mellom spelarane og representantar frå den norske regjeringa, eit kulturarrangement i samband med turneringa og besøket, og det er planlagt ein innsamlingsaksjon.

Initiativet er gjort av Veterancupen. Cupen blir gjennomført på dugnad av mange lokale frivillige. Overskotet av turneringa og alle donasjonar går til Ukraina.

Veterancupen er ein innandørs fotballturnering for veteranar frå norsk og europeisk toppfotball. I snart 25 år har turneringa samla kjende fotballspelarar frå Europa.

I tillegg til klubblag (kvinner og menn) og Ukraina, stiller foreløpig 4 av dei 6 nordiske landslaga.

Liste over ukrainske fotballspelarar + team påmeldt til Veterancupen 2023

1. Evgeniy Levchenko (1978)

2. Maksymov Yuriy (1968) - leiar

3. Nahornyak Serhiy (1971)

4. Yezerskiy Volodymyr (1976)

5. Levchenko Evhen (1978)

6. Ishchenko Mykola (1983)

7. Tsykhmeistruk Eduard (1973)

8. Shershun Bohdan (1981)

9. Sobutskyy Oleh (1972)

10. Sviderskyi Vyacheslav (1979)

11. Shelaev Oleh (1976)

12. Vorobey Andriy (1979)

13. Reva Vitaliy (1974)

14. Medin Mykola (1972)

15. Nazarenko Serhiy (1980)

16. Polunin Andriy (1971)

17. Kosyrin Oleksandr (1977)

18. Khomyn Andriy (1982)

19. Donets Andriy (1981)

20. Shevchuk Vyacheslav (1979)

21. Rotan Ruslan (1981)

22. Markevych Myron (1951) - trenar