- Like etter klokka 03.00 natt til tysdag fekk politiet melding om ei trafikkulukke på riksveg 13, ved Istadelvi på Voss, seier operasjonsleiar Stine Mjelde til BA til Avisa Hordaland.
Politiet fekk melding om at det var éin bil som hadde køyrd av vegen. Ein annan bil stoppa for å hjelpa med å dra opp den fyrste bilen. Hjelpebilen plasserte seg med mot motgåande trafikk og med langljosa på.
– Det blenda ein bil som kom køyrande mot. Denne bilen valde å køyra ut i grøfta, seier Mjelde til avisa.
I grøfta stod ei kvinne frå den fyrste bilen som køyrde av vegen. Ho blei treft av bil nummer tre.
– Ei kvinne i 30-åra blei påkøyrd. Ho var ved vaken på staden. Ho blei fyrst frakta til Voss sjukehus, men så frakta vidare med luftambulanse til Haukeland seinare på natta, seier Mjelde.
Politiet beslagla førarkortet til kvinna som køyrde bil nummer to.