Fv. 53 ved Ljotelitunnelen i Øvre Årdal blir stengd til torsdag.
Like vest for tunnelen har det kome med nokre store steinblokker i samband med fjellreinsk, melder Vegtrafikksentralen klokka 17.53 onsdag.
Tysdag gjekk det eit større ras der, og etter ryddinga starta også arbeidet med fjellreinsk.
Vegtrafikksentralen melde i twittermeldinga at vegen er stengd til torsdag føremiddag, men berekna sluttid er lenger ut på ettermiddagen på Vegvesenet sine nettsider.
På Vegtrafikksentralen blir det opplyst at det er uvisst kortid vegen kan opna. Dei må først sjå om det kan koma meir stein, og rydda vekk det som er kome ned.