Ein mann i 60-åra vart natt til fredag arrestert då ei rekke politiressursar rykte inn mot ei adresse i Hyllestad i Ytre Sogn.
Stein Rune Ø. Halleraker er operasjonsleiar i Vest politidistrikt. Han skriv i ei pressemelding at politiet var væpna under aksjonen.
Bistand frå beredskapstropp
Nasjonale beredskapsressursar hjelpte til politiet under aksjonen.
– Det var ikkje grunn til uro for omgjevnadane, og aksjonen gjekk på ei konkret adresse, skriv Halleraker.
Mannen skal ha blitt arrestert utan dramatikk, skriv operasjonsleiaren vidare.
– Fornærma i sakene er teke vare på og er fysisk uskadd, skriv han.
Saka vil bli etterforska av politiet i Førde. Manner er sikta for brot på besøksforbod og forsøk på grov kroppskade.