Klokka 22:52 fredag melde vegtrafikksentralen at Skjerdalsvegen i Aurland var stengt på grunn av ras.
– Det er nokre lokale folk som har høyrt buldring, det er uvisst om det faktisk har gått eit ras, sa Eivind Hellesund ved operasjonssentralen til Vest politidistrikt laurdag morgon.
Ein entreprenør skulle sjekka rasstaden når det lysnar, skreiv vegtrafikksentralen på Twitter. Ny vurdering var venta innan klokka 12.00 laurdag.
– Vegen er no rydda og opna for fri ferdsel etter eit mindre steinras, melder vegtrafikksentralen klokka 10:33.