Eg var på fest og vart fysisk dregen inn på eit rom. Eg gjorde motstand, men ingenting hjelpte. Han ville ikkje høyra sjølv om eg sa nei. Det var ein ting han ville ha og det var sex.
Eg ville ikkje, men hadde ikkje så mykje eg skulle ha sagt sidan eg var fysisk svakare.
Etterpå grein eg aleine. Ingen fekk det med seg. Det var skremmande. Eg har hatt mange mareritt om det.
Jente (17)
Sexpress og klåing er ein del av kvardagen, likevel: – Historiene er mykje meir brutale enn det me hadde sett for oss
Me lét ungdommane sjølve fortelja kva dei har opplevd. Svara som kom inn vart sterk kost for ungdommane sjølve òg.