Rykte ut til lyngbrann i Høyanger

Seksten personar var i aksjon med å sløkkja ein lyng- og grasbrann ved Vamråk på Høyanger sørside natt til fredag.

DEL

Vaktleiar Jan Gunnar Holvik ved Alarmsentralen opplyser at meldinga om brannen kom inn klokka 01.45.

- Det vart kalla ut mannskap frå Bjordal og Ortnevik, og ein tankbil frå Høyanger. I tillegg vart det teke i bruk nokre gyllevogner, seier Holvik.

Han fortel at det brann i eit vanskeleg terreng mellom fylkesvegen og fjorden, at brannen ikkje spreidde seg veldig raskt og at brannmannskapa hadde kontroll.

Brannen var sløkt litt over klokka 05.00.

Artikkeltags