Gå til sidens hovedinnhold

Over 4,1 millionar nordmenn har fått første dose med koronavaksine

4.106.694 personar er vaksinerte med første dose av koronavaksine i Noreg, viser FHIs statistikk torsdag. 3.587.213 personar har fått andre dose.

76,2 prosent av befolkninga har dermed fått første dose, medan 66,5 prosent av befolkninga er fullvaksinerte.

For befolkninga over 18 år er delen høvesvis 90,5 og 83,4 prosent.

Blant ungdom i alderen 16–17 har 86,6 prosent fått første dose, og 13,6 prosent har fått andre dose.

I alderen 12–15 er delen høvesvis 47,8 og 0,5 prosent.

Førebels har FHI registrert at 13.854 personar fekk første dose onsdag, og 16.591 personar fekk andre dose.

Dei som har gitt første dose til størst del av befolkninga over 18 år, er Trøndelag (92 prosent) og Innlandet (91,4 prosent). Lågast del er i Troms og Finnmark (88,1 prosent) og Rogaland (88,6 prosent). For andre dose ligg fylka Innlandet (85,7 prosent) og Agder (85,3 prosent) best an.

Noreg starta koronavaksinasjonen 27. desember 2020. Vaksinane til Pfizer og Moderna blir i dag nytta, men ein kan òg søkje om å få Janssen-vaksinen. Noreg valde å stanse all bruk av AstraZeneca-vaksinen i mars.

Det kan vere forseinkingar i registrering av vaksinasjon som fører til at tala endrar seg over tid.

(©NPK)

Kommentarer til denne saken