Nominasjonsnemnda er klar med framlegg til Sogndal Senterparti si kommunevalliste. Listeframlegget skal handsamast på nominasjonsmøtet i lokallaget 20. januar, opplyser leiar i nominasjonsnemnda, Sindre B. Ramung.
Dei tre første kandidatane er kumulerte.
Ordførar Arnstein Menes legg snart bak seg sin første periode som ordførar i Sogndal kommune, og er innstilt på topp att til valet 2023.
Nominasjonsnemnda kunngjorde at dei ville innstilla han på topp, i fjor haust. Nominasjonsleiar Ramung sa mellom anna at Sogndal Senterparti oppnådde eit svært godt vallresultat med Menes i spissen.
– Arnstein har leia den nye kommunen gjennom ei utfordrande tid, der leiinga skulle byggja opp ein heilt ny organisasjon og kultur, og ikkje minst få dei tre tidlegare kommunane sine tenester til å henga saman og fungera på ein einskapleg måte. Me syns Arnstein har leia denne prosessen godt, og vist seg som ein god ordførar for kommunen, seier Ramung.
Dei to neste toppkandidatane er Malén Røysum på 2. plass. Ho er busett på Leikanger, og er i inneverande periode leiar for Plan- og forvaltningsutvalet. Ho jobbar til dagleg i vegadministrasjonen i Vestland fylkeskommune. May Kristel Bødal er frå Kaupanger, og jobbar i Sogn barnevern. Ho har også erfaring frå mellom anna Sogndal kyrkjelege fellesråd og Kaupanger sokneråd.
Nominasjonsnemnda legg fram dette listeframlegget for nominasjonsmøtet:
1. Arnstein Menes, Balestrand
2. Malen Røysum, Leikanger
3. May Kristel Bødal, Kaupanger
4. Lisa Horpen, Sogndal
5. Tore Feten, Balestrand
6. Arne Monrad Johnsen, Leikanger
7. Helga Hundere Timberlid, Sogndal
8. Magne Selseng, Kaupanger
9. Laila Njøs Eikeland, Leikanger
10. Gunnar Supphellen, Fjærland
11. Espen Sæterbø, Leikanger
12. Adelheid Kristiansen Breidvik, Sogndal
13. Atle Johannes Dale, Balestrand
14. Olaug Marie Bjelde, Sogndal
15. Anders Skarestad, Fjærland
16. Anders Dale, Balestrand
17. Catrine Elvagjeng, Sogndal
18. Nils Olav Nygard, Leikanger
19. Tone Elen Midttun, Sogndal
20. Olav Horpedal, Fjærland
21. Vivian Hilleren, Kaupanger
22. Kjell Magne Brekken, Leikanger
23. Oda Sunde, Sogndal
24. Anton Østvang Lee, Balestrand
25. Siv Anita Hundershagen, Norane
26. Eivind Stevling Torstad, Sogndal
27. Anne Britt Halset, Norane
28. Turid Cecilie Oppedal, Leikanger
29. Laura Kvamme, Fjærland
30. Sindre Børsheim Ramung, Leikanger
31. Bente Sønsthagen, Kaupanger