NFF framskundar treningsstart for 1. divisjon og Toppserien

Av

Norges Fotballforbund har avgjort at 1. divisjon og Toppserien kan starta med treningar to veker tidlegare enn først planlagt.

DEL

Det opplyser Norges Fotballforbund i ei pressemelding tysdag.

Klarsignalet blir gitt med utgangspunkt i dei gode erfaringane som er gjort med oppstart for trening i Eliteserien – samt etter innspel og ønskje frå ligaforeiningane og klubbane i både 1. divisjon og Toppserien.

– Det vil seia at klubbane i de nemnde ligaene vil kunne starta med fotballtrening tidlegast førstkomande måndag, 25. mai. Dette er sjølvsagt under føresetnad av at NFFs protokoll for trening blir følgt, seier generalsekretær i NFF Pål Bjerketvedt.

– Me opplever at klubbane er sterkt motiverte for å komma i gang neste veke og at det jobbast godt og konkret med å klargjera det som skal til for å kunne sparka i gang, tilføyer han.

Noko bestemt dato for kampoppstart er ikkje klar.

(©NTB)

Artikkeltags