Naudetatane er på veg til Mannhellervegen etter å ha fått melding om bilbrann. Det melder alarmsentralen 110 Vest klokka 22 måndag kveld.
– Me er framme på staden og har starta sløkking. Brannen er i ferd med å minka, opplyser vaktkommandør ved alarmsentralen Stian Kvam.
Bilen skal ifølgje Kvam ha stått parkert i nærleiken av bensinstasjonen på Kaupanger.
– Det skal ikkje vera personar observert i køyretøyet. Flammane har minka, men det er framleis ein del røyk.
Politiet er også på staden.
– Brann i motor på bil. Ingen personar i bilen. Ingen fare for spreiing. Ikkje meldt om personskadar, skriv Vest politidistrikt på Twitter/X.
Kring 20 minuttar etter at meldinga kom melder både politi og brannvesen at brannen er sløkt. Politiet opplyser at patruljen på staden er i kontakt med bilførar, som skal vera uskadd.