Der var det like etter midnatt det kom melding om litt for høgt lydnivå på ein utandørsfest på Åberge.
– Patruljen avslutta den før dei måtte rett vidare til neste fest, den var i Leitevegen. Den vart dempa ned, seier Eivind Hellesund på Vest Politi sin operasjonssentral.
Rusa ung jente
Det var som meldt samla mykje ungdomar i sentrum. Klokka var ikkje meir enn 23.15 då dei kom over ei svært rusa ung jente i sentrum.
– 16-åringen vart tatt hand om av helsevesen og føresette vart varsla, seier Hellesund.
Ikkje så lenge etter var det ein 17 år gamal gut som politiet ville ha kontakt med.
– Han oppgav falsk personalia og la på sprang. Han vart innhenta av politiet og vist vekk frå sentrum.
Opne vindauge
Ein bilførar vart stogga då han køyrde rundt i sentrum med høg musikk og vindauga ope seint på natt.
Det synte seg at han heller ikkje hadde bilbelte på, så då vart det 1500 kroner i gebyr for det.