Leiteaksjon etter fallskjermhoppar avblåst – har landa trygt

– Leiteaksjonen er avslutta og vedkomande har landa trygt, seier Tore Fanebust, operasjonsleiar i 110 Vest.

Det var Årdal kommune som først melde at fleire personar hadde observert ein fallskjermhoppar som såg ut til å ha tydelege problem i Øvre Årdal måndag føremiddag.

Publikum vart oppmoda om å ta kontakt med politiet, og det vart rykt ut med mannskap for å leita.

Klokka 12.20 kunne Fanebust melda at dei har avslutta leiteaksjonen.

– Vedkomande hadde landa trygt og alt stod bra til.

Etter det Sogn Avis kjenner til har vedkomande floge sokalla speedwing og drive med luftakrobatikk.