Lastebil byrja å brenna i Frudalstunnelen

DEL

Naudetatane rykte ut til brann i ein trailer i Frudalstunnelen på riksveg 5 måndag ettermiddag. Vest politidistrikt meldte at brannen var om lag ein kilometer inne i tunnelen, frå Fjærlandssida.

– No ser det ut som om dei har klart å sløkkja sjølve, før brannvesenet er kome fram, etter dei meldingane me har fått, seier leiar Terje Brandsøy på Alarmsentralen.

Brannvesenet tok seg inn for å sjekka. Politiet melder på Twitter at det skal ha vore brann i tilhengaren på ein lastebil som køyrer bos.

– Brannen er sløkt og det er ingen røyk i tunnelen lenger. Tungbilberging er på veg, meldte politiet i 14.30-tida.

Vegtrafikksentralen opplyste klokka 16.12 at det er kolonnekøyring med ledebil gjennom tunnelen.

I 20-tida var det framleis kolonnekøyring, men Vegtrafikksentralen opplyser at trafikken verka gå greitt. Bilberging var då plass.

Klokka 20.24 melder Vegtrafikksentralen at tunnelen er open for trafikk.

Artikkeltags

Kommentarer til denne saken