Kolonnekøyring på Vikafjellet
UVÊR: Vikafjellet har kolonnekøyring laurdag ettermiddag. Slik såg det ut ved Hestavollen klokka 16.57. Foto: Webkamera/Statens vegvesen
Rv13 Vikafjellet har kolonnekøyring laurdag ettermiddag grunna uvêr. Det melder Vegtrafikksentralen.
Første kolonne går frå Storhaugtunnelen klokka 18.30.
- Dei andre fjellovergangane er opne. Det skal blåsa opp litt, Aurland- Hol og Strynefjellet får truleg mest vind i kveld, trur trafikkoperatør Jan Erikstad ved Vegtrafikksentralen.
Han opplyser at det er forventa meir vind på fjellovergangane utpå dagen søndag.
– Då vil det truleg dra seg til på fjellet, seier han.