Éin podkast, to legender: Asle og Tommy om opprykkskamp, knekt kjevebein og spelarbørs med teikneseriefigurar

LEGENDESAMLING: Tommy Øren og Asle Hillestad er begge markante spelarar i Sogndal-historia. Dei er gjester i juleepisoden av Radl om badl.

LEGENDESAMLING: Tommy Øren og Asle Hillestad er begge markante spelarar i Sogndal-historia. Dei er gjester i juleepisoden av Radl om badl. Foto:

Det er nærast kongeleg besøk i juleutgåva av podkasten Radl om badl.

DEL

Der er nemleg mannen med flest kampar for Sogndal gjennom tidene, Asle Hillestad, gjest.

Midtstopparen spelte heile 611 gonger for sogndølene, scora over 100 mål og rykte opp og ned ei rekkje gonger.

Hillestad er ikkje den mest mediekåte typen, og ville ha med seg ein stødig støttespelar for å stilla opp. Dermed booka me inn Tommy Øren, og tigeren frå Årdalstangen sa ja – med sitatet «så mange å velja mellom, så tek de meg».

I denne episoden får me høyra om dei mange opprykkskampane Hillestad har vore med på, han fortel historia om då han knekte kjevebeinet på stopparkollega Arild Førde, og me avslører kor mykje eit fotballkort av Hillestad er verd i dag.

Sidekick Øren blir tvinga til å ta ein ny runde innom mirakelet på Ullevaal i 2000, han snakkar om kvifor han sa nei til Monaco – i tillegg gjer me eit nostalgisk tilbakeblikk til dei to mest kjende spelarbørsane i Sogn Avis-historia.

Podkasten kan høyrast i Soundcloud og iTunes.

Artikkeltags

Kommentarer til denne saken