Litt under 20 dagar før tunnelen er planlagt å opna har no trafikken på riksveg 5 har trafikken for første gong blitt skyssa gjennom Kjøsnestunnelen.
Den 6,5 kilometer lange tunnelen skal etter planen opnast den niande november. Då vil heile etappen langs den naturskjønne, men rasutsette Kjøsnesfjorden gå i tunnel. Prosjektleiar Svein Reidar Dale i Statens vegvesen seier dei er i rute.
Blir til rømmingsveg
Kjøsnestunnelen skal kopla seg på den eldre Støylsnestunnelen 500 meter utanfor den gamle utgangen på Skei-sida av tunnelen. Dale forklarar at det er arbeid i fjellhallen som knyt dei to tunnelane saman som no gjer at trafikken blir sendt gjennom den nye delen.
– Me jobbar no med å setja i hop den nye og gamle delen. Dette starta me med på tysdag, og på onsdag byrja me å senda trafikken gjennom den nye delen, seier han.
Han forklarar at det no er kolonnekøyring gjennom tunnelen døgnet rundt.
– Dette er det siste arbeidet som blir gjort før me opnar.
Kjøsnestunnelen er snart ferdig: Skøyter saman to tunnelar for å legge «heile fjorden» i fjell