Fredag ettermiddag opplyser Vest politidistrikt at det er meldt om ei trafikkulukke i Lærargata i Balestrand sentrum.
Ein bil er involvert og denne har gått rundt og ligg på sida. Førar er vaken og medviten, opplyser politiet, som rykkjer ut til staden.
Brannmannskap er også på staden.
– Me fekk melding klokka 13.20 om ein bil som låg på sida og at personen i bilen ikkje kom seg ut. Vedkomande var ikkje fastklemd, men kom seg ikkje ut fordi bilen låg på sida, seier Håkon Myking hjå 110 Vest.
Han seier bilen ikkje er køyrbar og bilbergar er rekvirert.