Gå til sidens hovedinnhold

Berit (50) skal halde i rattet på nystifta elbilforeining

Berit Hornes frå Førde er vald til leiar i den nystifta elbilforeininga Sogn og Fjordane.

Sogn og Fjordane elbilforeining vart stifta torsdag 3. september, som eit lokallag til Norsk elbilforeining.

Det skjedde gjennom eit historisk digitalt møte, og eit nytt styre med Berit Hornes i spissen vart valde til å kjempa for elbil i gamlefylket.

Elbil sidan 1969

Det nye styret vil jobbe for at kommunar, næringsliv og folk skal gå saman for å bidra til eit betre klima, og redusere forureininga ved å elektrifisere vegtrafikken. Og trass i lange strekningar og at framleis mange ventar på ein elbil som dekkjer fleire behov, har den nye leiaren trua, skriv dei i ei pressemelding.

– Her lokalt har me stolte tradisjonar for produksjon av fornybar kraft, for teknologi og innovasjon og ikkje minst bur me i ein landsdel med store avstandar. Kombinerer me dette har vi eit perfekt utgangspunkt for ein elbilboom også her i Sogn og Fjordane, sjåar Berit Hornes.

Allereie i 1969 vart firmaet Elbil A/S etablert i Førde for å produsere båe elbil og elbuss for å bidra til redusert luftforureining i eit Noreg med sterk vekst i vegtrafikken. Dei kom ikkje lenger enn til prototypane, men pioneranda og handlekrafta sit igjen i selskap som Tibber, som leverer tenester for straum og smart lading, også frå Førde. Og prosessindustrien i gamlefylket har kunnskap og materialar som kan levere til elektrifiseringa som no kjem, skriv dei i pressemeldinga.

Familien er elektrisk

Den nyvalde leiaren fekk fyrste elbil i 2016, og no køyrer familien berre elektrisk.

Berit Hornnes (50) er til dagleg sjukepleiar i Helse Førde der ho for tida jobbar som Foretakshovudvernombod. For Sogn og Fjordane elbilforeining ynskjer ho å utfordre kommune- og fylkespolitikarar.

– Mitt ynskje er at me klarer å påverke den lokale elbilpolitikken slik at me når målet for 2025 om at det berre blir selt nye nullutsleppsbilar.

Elbilar for sognogfjordingar

Det nye styret trur folk i området vil få auga opp for mange av dei nye elbilmodellane som både trekkjer sterkare og har lengre rekkevidd enn tidlegare, noko som er avgjerande for ein del.

– Me kjem til å arrangere ladeprat-arrangement ved hurtigladarane i Sogn og Fjordane for å hjelpe ferske elbilistar i gong, og me skal arrangere glattkøyring slik at ein kan bli kjend med den nye bilen sin på all slags føre, seier Hornes.

Kommentarer til denne saken