72 kilometer fylkesveg får nytt dekke. Sjå kva strekningar som blir oppgradert i Sogn

Vestland fylkeskommune skal fresa, merka og asfaltera fylkesvegar for til saman 79,3 millionar kroner.

DEL

Til asfalt vil det gå med om lag 60 millionar kroner. Det betyr at 72 kilometer fylkesveg vil få eit nytt og tryggare dekke.

I fjor blei det asfaltert for om lag 172 millionar kroner i tidlegare Sogn og Fjordane og Hordaland fylke.

– Lite pengar

– I år har me lite pengar til asfaltering, så samanlikna med i fjor blir det ikkje så mange fylkesvegar som får nytt dekke og asfalt, seier Åsmund Sekse, leiar for vedlikehald sør i Vestland fylkeskommune i ei pressemelding.

Han seier at det ser ut til at det kjem meir midlar til dekkelegging neste år.

Dekkearbeidet vil starte i midten av mai og det blir trafikkdirigering på alle plassar der asfaltering skjer.

I Sogn får desse strekningane nytt dekke:

Vik: fv. 5603 Krossveghola, 3125 meter.

Luster: fv. 5641 Stølsnestnl – Veitastrond, 5392 meter og fv. 604 Gjerde – Bergset, 5418 meter.

Årdal: fv. 53 Bermåltunnelen – Sandnes x5, 3837 meter.

Balestrand: fv. 13 Dragsvik FK, 527 meter.

Artikkeltags