Etter nok eit dårleg stortingsval set KrF og Trude Brosvik sin lit til at dei får utjamningsmandat.

- Det er framleis håp om at det kan gå bra, seier Brosvik.

Både på landsbasis og i fylket har partiet gått ned. . Også i heimkommunen Gulen har ikkje ordføraren sanka fleire stemmer enn katastrofevalet i 2005.

- Eg håper på utjamningsmandat, slår Brosvik fast.

- Kva er årsaken til at valet gjekk slik?

- Eg trur årsaken er at det har vore for mykje fokus på regjeringsalternativa. Det har ført til at Venstre og KrF kom i ein skvis.

- Kva har de sjølv gjort feil?

- Det er enno for tidleg å oppsummere, det får vi ta etter valnatta, seier Brosvik.