Seier sjefen for skyttarane på Systrond. Lars Lefdal (69) er klar for personleg sesongopning. Kaliberet er 22 og nedre aldersgrense er minimum 60.

Oppover på skalaen er det fritt fram. Karane som stiller med miniatyrgevær er både 70 og nesten 80 år.

Lars Lefdal blir så smått klar. Litt smårusten, litt småspent.

Pensjonistar

– Her er kø frå klokka ni og utover føremiddagen, seier Lars i kjellaren på Hermansverk med 15 meters bane for miniatyr.

Pensjonistane dukkar opp etterkvart, kler seg om i lær og inntek standplassen etterkvart som det blir ledig.

Betyr mykje

– No gir eg meg!

Torbjørn Strømseng har vore i sving sidan klokka var godt 9. 74-åringen er brukbart nøgd med prestasjonen. To seriar på 47 – av 50. Siste runden var hakket betre.

– Med 49 er det ikkje stort meir å gå på, seier Torbjørn.

– Kva betyr tilbodet om tysdagane?

– Temmeleg mykje! Spesielt for oss som har drive med skyting ei stund, seier Torbjørn, som har halde på sidan han fekk lov til å ta i ei børse.