Corvette frå den amerikanske bilfabrikken Chevrolet er gutedraumen. Og kva er betre enn ein Corvette?

– To Corvetter, svarar Jan Erik Aasebø kontant og dreg opp eit glis like breitt som bakdekka.

2006-gliset stod utstilt i amcar- og veteranutstillinga – i Gamalostfestivalen. Blant ein drøss pene doningar var det kirsebærraude vidunderte eit augefang i millionklasen. Omtrent 1,9 for å vera litt presis.

Modellen er C6, motoren er V8'ar og den kom til landet måndag for halvanna veke sidan. Fire dagar seinare tok sjåføren turen over Vikafjellet. Til Vik, frå Bergen.

– Det triste med bilhandelen er det norske avgiftsnivået. Over 1,2 millionar kroner inklusive momsen. I USA får du den til 700.000 – ferdig momsa, seier Jan Erik Aasebø – stolt av bilen og sur på den norske avgiftspolitikken.

Bileigaren innrømmer galskapen av å kjøpa akkurat denne typen bil. Og la det vera sagt: Berre fire eksemplar rullar på vegnettet her til lands. Den har alt av tekniske finessar.

– Eg og kona har kvar sin bilnøkkel. Når tenninga blir vridd på, justerer setet seg ettersom det er eg eller min betre halvdel som sit bak rattet, forklarer entreprenøren og eigedomsspekulanten.

– Eg var bankmann tidlegare, då var Corvette ein draum, seier eigaren, som også har ein 93-modell i Corvette-samlinga.