Biletet er teke på Torget, medan toget passerer huset til Kåre Hestetun og samvirkelaget. I toget kan ein kjenna att ein del årdøler. Musikarane me ser fremst i toget er Sigmund Sandvoll (valthorn), Harald Øren (stortromme) og Arvid Midtun (skarptromme).

Flaggberarane har innsendaren berre etternamnet på. Ho som ber det norske flagget heiter Nordås, medan ho med speidarflagget heiter Fjærestad. I Speidarflokken er mellom anna Brita Husum, Olaug Hestetun Wigdahl, Kari Høgheim Nermoen og Gerd Wigum Sæbø.

Elles kan ein skimta Johannes Børtnes, Thomas Midtun, Petra Midtun og Johanne Luggenes. Mannen med studentlue midt i toget meiner innsendaren er John Glenjen, ein av sivilingeniørane på Årdal og Sundal verk.