– Biletet er av besteforeldra mine, fortel Anna Eggum som er fødd Haugen og bur på Leikanger. Syskenbarnet hennar, Svein A. Haugen i Oslo, var også rask med å kontakta Sogn Avis om personane på biletet i den store historiske fotosamlinga.

Budde i Luster

Så det var ikkje rart at ingen i Luster visste kva personane på biletet heitte. Fotograf Samson Brathole har nok knipsa den store familien då Andreas Haugen, far til Svein A. Haugen, var driftsstyrar i Luster e-verk, og seinare Leikanger e-verk.

At Svein A. Haugen arbeidde og budde nokre år i Luster, er forklaringa på at Brathole har fotografert familien. Og slik er eitt av dei vel 800 bileta i den store fotosamlinga som Sogn og Fjordane fylkesarkiv, De Heibergske Samlinger – Sogn folkemuseum og Luster sogelag no arbeider med å samla inn namn på dei som er fotograferte, kvar bileta er tekne og når.

Svein A. Haugen oppgjev namna slik:

1. Anna, farmor mi.

2. Svein, farfar min, smed og telefonoppsynsmann, busett på Sanden, ved Sandgroi på Leikanger.

3. Erling, telefonoppsynsmann Sogn, overtok foreldregarden (far til Anna)

4. Kristi, husstyrar for Hans Dahl (kunstmålar) på Balestrand og i Berlin, seinare husstyrar ved Sebblow Stiftelse, Oslo.

5. Helga, jordmor på Leikanger, busett i Strandavegen (no nr. 38).

6. Kristina Husabø i Krokagarden.

7. Gudrun, på slutten husstyrar i Skrivargarden.

8. Anna, budde hjå foreldra.

9. Gunnhild, husstyrar barneheim i Bergen.

10. Andreas, far min, driftsstyrar Luster e-verk, seinare Leikanger e-verk, busett i Svingen på Hanehaug.