...
Festivalsjef Knut Myking har vore ute og testa festivalsnøen. (Foto: Håvard Nesbø)

Fjellsport-tv på nettet

Under Fjellsportfestivalen kan du sjå daglege videooppdateringar på sognavis.no.

Sogn Avis E-post
Publisert 16.02.2012 kl 19:00 Oppdatert 16.02.2012 kl 20:29

Tips ein venn på e-post:



Me går nok ei spennande vinterveke i møte, med full trøkk på Meieriet og Studentveka, og ein fjell­sportfestival som er tøffare brattare og friare enn nokon gong.

Det er mykje som skal dokumenterast og i tillegg til reportasjar og foto i papirutgåva og på sognavis.no, får du også videosnuttar frå aktivitetane under festivalen på nettavisa.

– Me skal prøva å dekkja dei fleste aktivitetane. Det blir korte kommentarar frå deltakarar og arrangørar, og så vil me syna dei som ikkje har høve til å vera her, kva som går føre seg under ein fjellsportfestival, seier prosjektansvarleg Håvard Nesbø.

Han står bak Sogn Avis si nysatsing saman med Jon Husabø og Ørjan Talle.

– Planen er at me skal gje sjåarane 3–5 minuttar med film frå og med tysdag til laurdag under festivalveka. Dette som eit supplement til vanlege redaksjonelle saker, fortel Ørjan Talle.

– Det kjem ein forsmak til helga, når Balestrand Open går av stabelen for fyrste gong. Dei som framleis lurar på kva jibbing er for noko, får då ta dette nærmare i augesyn. Me vil laga til ein liten film som kjem ut på nettet rett over helga, seier Nesbø.

Han lovar også filmsekvensar ikkje berre frå kva som skjer i Sogndalsfjøra, men også i fjella i Sogndalsdalen. Og ikkje minst stemningsrapport frå festivalkveldane og premieutdelingane på hotellet.

På framsida no


...

Politiet står utan spor

Går ut med namn og bilete av sakna kvinne.

...

Melding om skader strøymer inn

Gjensidige har til no fått melding om 150 skader etter ekstremværet på Vestlandet.

Syklist påkøyrd

Politi og helsepersonell rykte ut.