– Møtet med Luster var vendepunktet for meg i serien. Då eg takka ja til å vere med i Alt for Norge, visste eg at forfedrane mine var viktige for meg, men eg visste ikkje at det var i så stor grad, skriv Austin Muller i ein e-post til Sogn Avis.

Filma i Sogn

23-åringen frå Los Angeles, som til dagleg jobbar som modell, er ein av i alt tolv amerikanarar som i haust tevlar i programmet Alt for Norge. Den andre episoden av programmet, som vert synt søndag, er filma i Sogn. Her får ein sjå Muller sitt sterke møte med sine forfedre.

– I 1690 kom mine forforeldre Christian Nitler og Birgette Griist til Solvorn. Der kjøpte dei Walaker hotell og gjorde det om til eit ”bed and breakfast”.

Visste lite på førehand

I programmet får Muller vitja Walaker hotell som forforeldrene kjøpte for 322 år sidan.

– Det høyrest litt klisje ut, men då eg var på hotellet, kunne eg nesten sjå for meg mine forforeldre vandre rundt og ta vare på gjestene sine.

– Utruleg vakkert

Muller beskriv hotellet og fylket som vakkert.

– Ideen om at det er ingen TV og berre bøker er utruleg. Ein treng verkeleg ikkje anna underhaldning, når ein bur i eit område som Solvorn. Her er det fjell, fjord og ei stavkyrkje over fjorden. Det er verkeleg ein magisk stad. Eg trur ikkje folk skjønar kor heldige dei er som lev i eit fylke som Sogn og Fjordane. Det er utruleg vakkert og eg veit ikkje kor mange bilete eg tok av fjorden og naturen då eg var der.

Les meir i papirutgåva eler e-avisa laurdag.