Like etter klokka 22 onsdag kveld fekk politiet melding om aktlaus køyring med vogntog på Hemsedalsfjellet/ Lærdal.

Operasjonssentralen fekk melding om at eit vogntog hadde gjort stygge forbikøyringar av fleire andre vogntog samt ein polititenestemann i privatbil som hadde observert det heile.

Bilen vart seinare stogga av utrykkingspolitiet i Lærdal. I mellomtida var det blitt gjort byte av sjåfør. Identiteten til føraren som sat ved rattet under forbikøyringa er kjend og saka vil bli følgd opp.

Lang over grensa

Klokka 02.30 natt til torsdag hadde politiet trafikkontroll i 60-sona ved Tønjum i Lærdal. Det vart skreve 8 forenkla førelegg, og ein person vart meldt for å ha køyrt i 91 km/ t i 60-sona. Førarkortet vart og kverrsett. Ein mopedførar fekk utferdinga ein mangellapp grunna tekniske feil på mopeden.

Drakk på offentleg stad

To menn i byrjinga av tjueåra blir meldt for drikking på offentleg stad etter at ei politipatrulje trefte på dei ved Trudvang skule i Sogndal klokka 22.02.