Frå vakre bøker om Vestlandet, til bøker om kvardagsliv, idrett, musikk, kunst og teater, til ein reiseguide med dei beste opplevingane på Gran Canaria. Haustlista til Skald inneheld bøker for liten som stor.

Om Sognefjorden

Opplev Sognefjorden av Ingrid Loftesnes er ei av bøkene med forankring i vest. Reiseguiden er illustrert med foto av Finn Loftesnes, og samlar for første gong natur- og kulturattraksjonane langs ein av Noregs mest populære fjordar, melder forlaget i ei pressemelding.

Foto og kultur

I boka Jens Hauge – menneske og natur av Ingrid Norum, lar forfattarane oss bli kjende med fotokunstnaren Hauges tilnærming til landskap og menneske sin innverknad på landskapet. Kultur og foto vert det òg i boka om Sogn og Fjordane teater. Forfattar Marita Liabø og fotograf Oddleiv Apneseth formidlar eit dokumentarisk samtidsportrett om livet framfor og bak sceneteppet gjennom eit heilt år.

Sogn og Fjordane Kunstmuseum har i fleire år gjeve ut kunstbokserien MYNDIR. Dette er no blitt til eit samarbeid med Skals, og første bok ut er KUNSTsf2012. Den presenterer samtidskunst og -kunstnarar i Sogn og Fjordane anno 2012.

• Les også: Ny forlagssjef i Skald
• Les også: Laga ei av dei vakraste