Dagen etter vart nokre hekto av den nedsalta fileten servert til middag med bacon, nypoteter og heimeavla gulrøter.

– God smak

– Aldeles nydeleg mat. Fisken var ikkje grov i kjøtet til å vera sopass diger, seier Olav?Sande.

Han er flittig brukar av Sognefjorden. Pensjonisten forsyner seg av det Sognefjorden har å by på omtrent halve året og har hytta på Sande nokre kilometer vest for Ortnevik som base.

I fjor vart det og personleg rekord for den ivrige hobbyfiskaren som tok ein steinbit på 14 kilo.

Olav Sande karakteriserer fisket der ute som ganske brukbart og soleis langt betre enn tilstanden innover i verdas lengste fjord.

Krill i magen

Hobbyfiskaren fekk eit aldri så lite sjokk då lina vart trekt for nokre dagar sidan.

– Lina flotna opp med djupvassfisk på krokane, 30–40 meter frå meg såg eg noko større som låg og flaut. Ikkje mange sekundane seinare landa ein måse på buken og tok til å hakka, seier Olav Sande om det som skulle syna seg å vera ei ny personleg lange-rekord.

Avfallet fylte to 10-liters bøtter og magen var stappa med krill. Hovudet åleine hadde ei vekt på fire kilo.