MJUK START: Linn Marit Aas og fadrane skal hjelpa ferske studentar inn i studentlivet.
MJUK START: Linn Marit Aas og fadrane skal hjelpa ferske studentar inn i studentlivet. Foto: Renate Sæle

Ho er faddersjefen

Linn Marit Aas førebur 115 fadrar til å ta seg av ferske sogndalsstudentar.

Renate Sæle E-post
Publisert 17.08.2012 kl 20:43 Oppdatert 17.08.2012 kl 20:43

Tips ein venn på e-post:



– Me har eit program som passar for alle. Alle studentorganisasjonane har jobba tett, her skal du kunne komma som du er og gjera det du liker best.

Fjordcruise og fest

Studentane er i full gong med å innta Sogndal att. Studiestart er måndag og ferske studentar får fadderar som skal gje dei ein best mogleg introduksjon til studietida og høgskulebygda.

Fadderveka tilbyr fjellturar til Hølsete og Stedjeåsen, bokkafé, klatring på Kvam og i Leikanger og alkoholfritt fjordcruise på Nærøyfjorden.

På kveldstid blir det mellom anna konsert med Fagernes Yacht Klubb måndag, grilling, stand-up og konsertar med Team Me og Sirkus Eliassen.

MOT–samarbeid

Ikkje alle er like glade for fadderveka og professor Frank Aarebrot ved UiB seier til bt.no at introveka dei siste åra har fått trekk av utvida russefeiring med alkoholfokus.

Linn Marit meiner dei ferske studentane får ein variert introduksjon til studentlivet. Fadrane er også opptekne av haldningar. I helga er nemleg mange av dei på kurs med den haldningsskapande organisasjonen MOT.

– Me jobbar med å sjå nye studentar og deira behov, seier ho.

Viktig for trivsel

Ho understrekar at studentar er ulike.

– Nokon legg vekt på festveka, nokon vil ha fjellturar og andre finn lesesalen. Det er viktig at alle finn noko for seg.

Fadderansvarleg er sjølv student i Sogndal på tredje året.

– Eg har vore både fadderbarn og fadder. Eg opplevde å bli godt motteken som fersk student. Det har alt å seia for tida mi vidare i Sogndal. Eg følte tidleg at gir du litt sjølv, får du mykje att.

Sosialt i lavvo

Vanskeleg hybelmarknad gjer at studentane er klare over at fleire vil kunna stå utan tak over hovudet den første tida. Derfor skal det setjast opp ein homeless camp med lavvoar.

– Ein god måte å bli kjent med medstudentane, meiner ho.

Les også: Studentar vil til Sogndal

På framsida no


...

Her kjem eit nytt motbakkeløp

Neste haust vil eit heilt nytt løp vera klart for dei som likar å løysa sveitten i motbakkar. Målsnora vert plassert på Raudmelen i Balestrand.

...

Slutt på laurdagspost

Regjeringa la onsdag eit forslag til ny postlov og postføreskrift ut på høyring.

...

Må låna 23 millionar meir til helsesenter

No må Sogndal ta opp meir lån for å realisera det nye helsesenteret.

...

Vil la ungdom prøva seg som journalistar

Er du mellom 15 og 19 år har lyst til å prøva deg som journalist – og samtidig tevla om fine premiar?