Folkemengda i Sogndal var 7.392 per 1.april i år. Per 1. juli har talet blitt redusert til 7.336. Det er ein nedgong på 56 personar, viser folketalsstatistikken frå Statistisk sentralbyrå.

Auke totalt

Kommunen har størst nedgong av alle kommunane i fylket i denne perioden. Fylket har samla ein folketilvekst på 120 personar og 108.424 personar per 1. juli.

Førde og Flora veks mest

Mellom kommunane som mister innbyggjarar er Årdal (-10), Selje (-10) og Eid (-19). Størst folketilvekst har Førde som aukar med 53 personar i perioden og Flora som kan registrera 24 på pluss-sida.

Sognekommunane som aukar er Balestrand (+4), Leikanger (+11), Vik (+8) og Aurland (+4) medan auken er størst for Luster (+17). Lærdal har inga endring i folketalet.