I innhogget som stod på trykk førre laurdag samanliknar Georg Arnestad utviklinga i Årdal og Sogndal, der Sogndal blir løfta fram som eit positivt døme på samfunnsutvikling og Årdal på det motsette.

Feil å samanlikna

Det provoserer Ap-leiaren, som meiner det er meiningslaust å samanlikna to så ulike kommunar, der den eine har størsteparten av arbeidsplassane i det private næringsliv og den andre i staten.

– Dei to kommunane er sterke på kvar sin måte. Eg likar ikkje denne samanlikninga. Det blir feil, seier Høl.

Ikkje overraska

Georg Arnestad sjølv meiner det er naturleg å samanlikna utviklinga i Årdal og Sogndal.

– I Sogndal er det folketalsauke og optimisme. I Årdal er det omvendt. For meg som skribent er det ei nyttig samanlikning, seier han.

Han er ikkje overraska over at innlegget hans vekkjer sterke reaksjonar i industribygda.

– Eg hadde rekna med det og hadde det i bakhovudet då eg skreiv teksten. Dette er eit veldig touchy tema for årdølene, og når eg angriper dei, forventar eg reaksjonar, seier han.

Les meir i papirutgåva eller e-avisa laurdag.