...
ROSENBORG-NEI: Kenneth Udjus (29) takka i førre veke nei til Rosenborg. -Magekjensla mi sa at det ikkje var riktig å gå til Rosenborg no. Eg hadde ikkje lyst til å reise frå Sogndal midt i sesongen, då eg vil bidra til at me held oss i eliteserien, seier keeperen. Foto: Wantana Tierney

Takka nei til Rosenborg

Kenneth Udjus (29) takka i førre veke nei til Rosenborg.

Endre Romøren E-post
Publisert 09.08.2012 kl 11:00 Oppdatert 09.08.2012 kl 11:16

Tips ein venn på e-post:



– Magekjensla mi sa at det ikkje var riktig å gå til Rosenborg no. Dei ville ha meg som éin av to like gode målvakter (saman med Daniel Ørlund, journ. anm), men det ønskte eg ikkje, seier Udjus.

– Dessutan hadde eg ikkje lyst til å reisa frå Sogndal midt i sesongen. Eg vil fullføra her, og bidra til at me held oss i eliteserien, seier han.

Vil vidare

Det meste tyder uansett på at Udjus er tapt for Sogndal etter årets sesong. Sørlendingen sin kontrakt går ut ved sesong­slutt, og etter snart to gode år i Sogndal-drakta er han svært ettertrakta.

Fleire klubbar i eliteserien viser interesse for spelaren, som kom til Sogndal som ein del av bytehandelen der Piotr Leciejewski gjekk til Brann. I Bergen vart han berre vurdert som backup for Håkon Opdal, medan han har etablert seg som ein av dei meir stødige burvaktarane i landet etter overgangen til Sogndal.

– Eg har ikkje teke ei endeleg avgjersle, men etter sesongen kan det vera tidspunktet for meg til å prøva noko nytt. Eg har lyst til å utvikla meg vidare, seier Udjus.

Jaktar erstattar

Det tek Sogndal konsekvensane av, og klubben er allereie i gang med å jakta etter ein erstattar for 29-åringen.

– Me er i gang med å sondera terrenget, utan at me har landa på konkrete kandidatar førebels, seier assistenttrenar og spelarutviklar i Sogndal Fotball, Håvard Flo.

Klubben har to målvakter til i stallen, Leif Lysne (19) og Mathias Dyngeland (17), men desse vert ikkje rekna som

førstekeeper-materiell riktig enno.

– Desse er store talent som skal få tid til å utvikla seg vidare. Dermed er det naturleg at me ser etter ein type som er klar til å gå rett inn på laget, seier Flo.

Alvor

Men først skal keeperen frå Kristiansand bidra til at Sogndal bergar plassen i eliteserien. Etter 18 serierundar er der berre to poeng ned til Sandnes Ulf på kvalikplassen, medan det skil fire til Fredrikstad på direkte nedrykk.

– Me må ta tak alle mann, og innsjå alvoret. Me er nøydd til å vinna fleire heimekampar, der har me ikkje vore gode nok. Små marginar har gjort poengfangsten på heimebane laber, men etter så mange kampar kan me ikkje seia at me har vore uheldige. Me har ikkje vore dyktige nok, det må me gjera noko med, er den klare meldinga frå Udjus.

Les meir i papirutgåva eller e-avisa torsdag.

På framsida no


...

Etterlyser Eidsvoll-slekt

Hadde du ein forfar som var valmann eller utsending til Eidsvoll?

...

Truls (18) og Runar (17) debuterte i cupsiger

To unge lokale talent debuterte for Sogndal då Årdal FK vart slått 4–0 i første runde av cupen torsdag.

...

Siste møte med gjengen

Berre to røysta mot å gje ho fri frå lokalpolitikken.

...

Spenstig storinnrykk

Årdalstangen IL ventar hundrevis av gjester av det spretne slaget til helga.