Det var stor interesse rundt konkurransen dagens målrock-nøtt som Sogn Avis hadde i førre veka.

Til saman tikka inn over 600 svar på dei fem spørsmåla som vart presentert over fem dagar, og det var Steinar Drægni i Årdal Tenk Tryggleik som fekk det ærefulle oppdraget av å trekkja ut fem heldige vinnarar.

Tre gonger

Den første nøtta me var på jakt etter var kor mange gonger har Kaizers Orchestra spelt på Målrock før? Rett svar er tre gonger har dei spelt tidlegare. Årets deltaking blir deira fjerde, og det første festivalpasset gjekk derfor til Marlen Stalheim.

Turboneger i 2009

Karen Sofie Lereng slo til med rett svar på neste nøtt der me lurte på kva år Turboneger vitja Målrock. Det rette svaret var i 2009.

Tone i Sogn

Fjøra-trenar Kjell Ertesvåg hadde ingen problem på nøtt nummer tre. Tone Damli Aaberge spelte, som Kjell svara, i gruppa Sogn.

Prosjektleiar Lægreid

I 2009 var Øyvind Lægreid prosjektleiar i det lokale prosjektet «Eagles på sogning». Dette visste Marianne Nesse som vart den heldige vinnaren av det nest siste festivalpasset me delte ut.

Inga bombe

Det femte og siste festivalpasset me delte ut gjekk til årdølen Espen Solheim som svara at Big Bang var årsaka til at Målrock-stiftinga fekk mykje kritikk fordi dei hadde booka eit band som song på engelsk i 2006.

Sogn Avis gratulerer alle vinnarane av eitt festivalpass til den tiande utgåva av Målrock som går av stabelen til helga.