– Eg er ein hardtarbeidande person. Eg har mykje vilje og dersom eg set meg eit mål, så gjer eg alt for å nå det. Eg gjer aldri opp, og er ein stor arbeidskar, seier sogndølen i eit intervju til TV2.no

Vil bidra

Kokken og restauranteigaren frå Hafslo skal vera med å kjempa om sigeren i den velkjende TV- serien, og har blanda tankar om deltakinga.

– Eg håpar dei ser på meg som ein person som står på, og er der inne fordi eg vil ta i et tak. Eg håpar at eg ikkje blir framstilt som ein konfliktperson som lager sure miner i gruppa.

På spørsmålet om kva som blir det verste med å vera med på Farmen, er han litt i tvil.

– Det er vanskeleg å tenkja på før eg kjem dit, men det kan vera det å sova på same soverom med personer eg kjem dårleg overenis med, fortel han til TV2.

Konseptet

Kanalen er no i gang med innspelinga av ein ny sesong med programmet Farmen, der 14 deltakarar skal reisa 100 år attende og leva som dei gjorde i 1912 på ein gard i Valdres. Her skal dei leva utan personlege eigendelar som mobiltelefon, iPod og andre ting som høyrer det siste hundreåret til.