...
USAMDE: Bente Øien Hauge og Asle Hermod Aanes har heilt ulike syn på kunstverket som blei plassert på Aurlandsfjellet i helga. Her utanfor inngangen til hiet. Foto: Amalie Lereng

Debatt i bjørnehiet

Bente Øien Hauge har rosa verket opp i skyene. Asle Hermond Aanes har kalla det for boss. Sogn Avis tok dei begge med inn i hiet til den sovande bjørnen.

Amalie Lereng E-post
Publisert 17.07.2012 kl 17:00 Oppdatert 18.07.2012 kl 12:25

Tips ein venn på e-post:


Bjørnen på Aurlandsfjellet

Meiner du at dette er kunst?

Ja
Nei

Stemma di er registrert

Avsluttet

Tal på stemmer: 23


Dei har begge markert seg i debatten kring den sovande bjørnen på Aurlandsfjellet. Øien Hauge som den positive, Aanes som den kritiske. I helga blei den omdiskuterte bjørnen plassert i hiet sitt på Vedahaugane, og dei to møttest til debatt.

– Ikkje kunst

– Eg trur du kjem til å endra oppfatning når du har sett verket i sitt rette element, seier Øien Hauge idet ho møter Aanes ved inngangen til bjørnehiet midt på Aurlandsfjellet.

– Etter mitt syn har du dømt ei bok du ikkje har lese. Tinga han ligg på representerer det menneskja har etterlate seg gjennom ulike tider, og lyset er heilt fantastisk. Personleg får eg ein sakral stemning av å vera inni hiet. Det er magisk, held ho fram.

– Bjørnen må berre liggja der for min del, svarar Aanes.

– Men eg vil ikkje kalla det for kunst. Det er ikkje snakk om ein gong. Det er boss.

– Me får no sjå på det, svarar Øien Hauge.

Verre enn trudd

Så går dei to inn i hiet. Det er mørkt og takhøgda er låg, men inst i hiet kviler den sovande bjørnen til kunstnaren Mark Dion oppå ein haug av gjenstandar. Rundt han er det hengane dryppstein som gir eit blått gjenskin. Elles er det mørkt.

– Dette er faktisk verre enn eg hadde trudd på førehand. Tenk å plassera slikt boss i naturen, kjem det kontant frå Aanes.

– Det er ikkje boss, svarar Øien Hauge fort og spør:

– Trur du ikkje folk kjem til å stoppa opp her når dei køyrer forbi? For meg handlar dette primært om reiseliv.

– Då byrjar me å bli einige, svarar Aanes.

– Ei hole med boss

Dei to står stille ei stund og studerer den sovande bjørnen i anlegget, som har ein total prislapp på fire millionar kroner. Aurland kommune, Lærdal kommune, Fylkeskommunen og Vegvesenet har alle sputta i ein million kvar.

– Veit du kva? Dette er rett og slett fælt, kjem det frå Aanes etter ei stund.

– Det gir meg faktisk ingenting å stå her. Dette er miljøkriminalitet. Ein kan finna dei same tinga på Sunde gjenvinning.

– Nei, alle gjenstandane er betalte for og valde med omhug. Det er dei same som ein finn i montre på museum, svarar Øien Hauge.

– Det underbyggjer berre heile dumskapen i det. For meg er dette ei hole med boss, seier Aanes.

Ikkje frelst

Dei to diskuterer ei stund til før dei forlet hiet.

– Så du blei ikkje frelst altså? spør Øien Hauge.

– Nei, dette er meir grotesk enn eg hadde trudd. For meg er dette urokkeleg skrot, svarar Aanes.

– Ja ja, då har eg i alle fall prøvd, ler Øien Hauge.

Les kunstnar Mark Dion si eiga forklaring av verket.

På framsida no


...

– Ungdom er nesten usynlege i nyheitene

Få nyheitssaker handlar om 15-19-åringar. – Oppsiktsvekkjande, meiner forskar.

...

Berga livsviktig poeng

Eitt minutt på overtid berga midtstoppar Marcin Brzykcy det som kan visa seg å verta eit svært viktig poeng for Årdal FK.

...

Misnøgd med Sogn kulturskule

Luster vurderer å trekkja seg frå samarbeidet med Sogndal og Leikanger.