...
INNBROT: Politet etterforskar no innbrotet på Tangen sport. Foto: Amalie Lereng

Innbrot på Tangen sport

Innbrotstjuvar har stukke av med varer og pengar for fleire hundre tusen kroner.

Morten Sortland E-post
Amalie Lereng E-post
Publisert 17.07.2012 kl 10:50 Oppdatert 18.07.2012 kl 12:51

Tips ein venn på e-post:



Tjuvane har bora seg inn via inngangen frå parkeringa på torget, og mest truleg har dette skjedd i løpet av natta.

– Dei har teke så mykje at det ikkje går an å driva butikk, seier butikkmedarbeidar Reidun Fodnes til Sogn Avis.

Det var ho som oppdaga innbrotet då ho kom på jobb i dag tidleg.

– Eg merka det med ein gong då eg kom inn døra frå baksida. No er eg heilt skjelven, seier ho.

Tok klede og vekslepengar

Det er hovudsakleg dyre merkeklede tjuvane har vore på jakt etter. Fodnes kan opplysa at dei ikkje har teke med seg syklar eller sko.

– Eg kan ikkje seia kor mykje som manglar enno, men det dreier seg om verdiar for fleire hundre tusen kroner, seier ho.

Fodnes forklarar vidare at tjuvane også har raida kassa for vekslepengar i tillegg til pengane for sal av fiskekort for fleire tusen kroner.

Ønskjer tips

Politiet jobba tysdag med å sikra seg spor på åstaden til den vidare etterforskinga.

– Me vil sikra bevis og kjem til å jobba med ei taktisk etterforsking, seier lensmann Magne Knudsen.

Politiet har foreløpig ingen mistenkte i saka, men tek gjerne imot tips frå publikum på telefon 02800.

Tidlegare i sommar skreiv Sogn Avis om innbrot på Jotun stadion. Då blei verdiar for over 50.000 kroner stolne.

I mars i år blei også Prix-butikken på Årdalstangen utsett for grovt tjuveri.

Les meir i papirutgåva onsdag eller i e-avisa.

På framsida no


...

Her kjem eit nytt motbakkeløp

Neste haust vil eit heilt nytt løp vera klart for dei som likar å løysa sveitten i motbakkar. Målsnora vert plassert på Raudmelen i Balestrand.

...

Slutt på laurdagspost

Regjeringa la onsdag eit forslag til ny postlov og postføreskrift ut på høyring.

...

Må låna 23 millionar meir til helsesenter

No må Sogndal ta opp meir lån for å realisera det nye helsesenteret.

...

Vil la ungdom prøva seg som journalistar

Er du mellom 15 og 19 år har lyst til å prøva deg som journalist – og samtidig tevla om fine premiar?