Siste oppdatering:

Politiet stadfestar at det var ei 60 år gamal kvinne frå Storbritania som omkom i Flåm fredag ettermiddag. Saman med ektefellen skulle ho sykla frå Myrdal til Flåm. I Myrdalssvingane fall ho av sykkelen og ut på snø og vidare mot fossen og elva.

Klokka 16.40 kunne politiet melde at kvinna som fall i fossen 1km frå Myrdal stasjon er funnen omkomen.

Kvinna sykla i ulent terreng frå stasjonen, då ho fall ned i fossen Full redningsaksjon blei sett i verk umiddelbart etter at politiet fekk melding om hendinga like etter kl 15.00.

Luftambulanse, Sea King, Røde Kors, brannvesen, ambulanse, norske redningshundar og Hafslo alpine redningsgruppe blei sendt til staden. Kvinna blei funnen i fossen, og bekrefta omkomen på staden.