Ei ny undersøking utført av Ipsos MMI for Gjensidige, viser at 26 prosent av dei spurde i fylket er bekymra for å bevega seg ut i ferietrafikken.

Ukjende vegar

Folk i Sogn og Fjordane bekymrar seg meir enn kva ein gjer på landsbasis, der kvar femte innbyggjar uroar seg for ferietrafikken. Til samanlikning er knappe ein av ti bekymra for å køyra til jobb. For mange kan ukjende vegar og stor fart, vera årsak til at ein kvir seg.

– Ei årsak til bekymringa kan vera at ein ofte køyrer langt, og turen går på landeveg i høgare hastigheit enn ellers i året, seier Ole Christian Kaada i Gjensidige i ei pressemelding.

Han oppmodar trafikantane om å ta det roleg.

– Beregn god tid og ta det med ro i trafikken, stopp for å kvila eller byt sjåfør om du blir trøytt, oppmodar skadeførebyggjar,

Fleire faktorar

Undersøking viser at det er fleire ting som spelar inn på kor trygg ein føler seg.

Vegar med midtdelar gjer at berre fem prosent opplever fare for å bli skada i bilkollisjon. Media si omtale av trafikkulukker spelar også ei stor rolle viser undersøkinga.