...
Duoen Isglem driv med fri improvisasjon og er svært nøgde med innspelinga i Lærdal. Mellom anna blei stein frå Jotunheimen, bjeller frå Kina og 800 år gamal furu frå Nordland brukte som instrument under innspelinga.

Imponerte over nytt lydstudio

Duoen Karl Seglem og Terje Isungset spelte inn plate i Lærdal.

Publisert 23.06.2012 kl 11:50 Oppdatert 23.06.2012 kl 11:50

Tips ein venn på e-post:



– Her kjem me gjerne attende, seier dei.

Lydstudioet i Lærdal stod klart i fjor haust, og duoen Seglem og Isungset er full av lovord om studioet.

– Mikrofonane og utstyret er heilt supert. Det er rett og slett imponerande. Det freistar veldig å komma tilbake, seier dei.

God respons

Ifølgje dagleg leiar på lydstudioet, Tom Karlsrud, er ikkje duoen dei einaste som er nøgde.

– Måten folk har tatt imot studioet på er veldig positiv. Folk seier dei gjerne vil komma attende, og det viser jo at studioet er liv laga, seier Karlsrud. Studioet stod ferdig i fjor haust og er lokalisert i kulturhuset. Det er kommunen som eig lokala, medan utstyret, som har ein verdi på 500.000 kroner, er eigd av Lærdal musikkproduksjon. Så langt er seks plater produserte i studioet, i tillegg til fleire demoar.

– Målet med eit slikt studio er å gi eit tilbod til lokale musikarar, men me er avhengige av at folk kjem hit utanifrå for å få det til å gå rundt.? Det er difor svært gledeleg at tilbakemeldingane er så gode, seier Karlsrud.

På heimebane

Duoen Seglem og Isungset brukte til saman to dagar i studioet på å spela inn det som skal bli deira femte album saman. Albumet er ikkje venta å koma ut før i løpet av 2013 på grunn av ein hektisk haust med mykje konsertar og festivalar.

– Men det er veldig stas å kunna spela inn på heimebane. Me har fått hjelp til å setja opp utstyret, men elles har me styrt på sjølve. Det har vore heilt topp, seier duoen.

På framsida no


...

Her kjem eit nytt motbakkeløp

Neste haust vil eit heilt nytt løp vera klart for dei som likar å løysa sveitten i motbakkar. Målsnora vert plassert på Raudmelen i Balestrand.

...

Slutt på laurdagspost

Regjeringa la onsdag eit forslag til ny postlov og postføreskrift ut på høyring.

...

Må låna 23 millionar meir til helsesenter

No må Sogndal ta opp meir lån for å realisera det nye helsesenteret.

...

Vil la ungdom prøva seg som journalistar

Er du mellom 15 og 19 år har lyst til å prøva deg som journalist – og samtidig tevla om fine premiar?