...
?EKSPEDISJON: Gjekk under namnet «Return too the Penguin Kingdom». Foto: Jørn Allan Pedersen

Iskald utstilling på Galleri Krydder

Det vert ikkje nett sommarstemning når Galleri Krydder opnar fotoutstilling frå Antarktis midt i juli.

Eli Grotle E-post
Publisert 22.06.2012 kl 20:00 Oppdatert 22.06.2012 kl 20:00

Tips ein venn på e-post:


...
?TIL?SOGNDAL: Jørn Allan Pedersen kjem med fotoutstillinga frå den Antarktiske Halvøya til Galleri Krydder. Foto: Jørn Allan Pedersen

Den spesielle utstillinga, som galleriet i Sogndal er dei første til å få syna fram, skal pryda dei intime utstillingslokala frå 16. juli til 18. august.

Det er Jørn Allan Pedersen som er fotograf og som i november/desember deltok på ekspedisjonen til Antarktis. Føremålet til ekspedisjonen var å setja fokus på klimaendringar og vart støtta av Røde Kors og Naturvernforbundet.

Brosjyre

Det er difor laga ei brosjyre knytt til utstillinga og eit eventuelt overskot frå den vil gå til å fremja Naturvernforbundet sitt opplysningsarbeid om klimaendringar. I brosjyren er det og knytt ein liten faktaopplysing frå Antarktis til kvart bilete. På den måten skal utstillinga også bidra til auka kunnskap om dette enorme kontinentet på ein enkel måte.

Pingvinar

Ekspedisjonen gjekk under namnet «Return to the Penguin Kingdom», og var tilrettelagt med det føremål å heidra Roald Amundsen sit 100-års jubileum, og samstundes setja søkjelyset på dei komande 100 års utfordringar relatert til klimaendringar.

– Høgdepunktet på turen var å vitja ein forsøksstasjon, halde konsert for pingvinane og bestiga ein topp i Antarktis der det ikkje har vore menneske tidlegare, fortel fotograf Pedersen.

Han seier at bileta har som mål å gjengse noko av den vakre naturen som finst på verdas reinaste kontinent. Han vonar at bileta skal bidra til ettertanke og skapa engasjement for framtida.

På framsida no


...

Bustadblokker kan ruva opp til 36 meter

Bustadblokker på lerumskaia kan få ei høgd på mellom 20 og 36 meter over havet.

Full fart på to hjul

Motorcross er ikkje ein sport for pyser, det kan sjuåringane Dennis Hestetun Hunderi og Aleksander Øyre frå Årdal skriva under på. Sjå video og bildeserie.

...

Kjempar for matfaget

Ordførar Jarle Aarvoll seier heile regionen står samla for å sikra eit framtidig og godt tilbod for restaurant og matfag i Sogn.