...
KULTURARV: Judith Vestrheim får servert heimelaga vanilje og rømme saman med pære og hellebærkake. Ho meiner det er viktig at museet fremjar og tek vare på den norske kulturarva. Foto: Camilla Skjær Brugrand

– Vil ha ekte råvarer

Kvar onsdag ut sesongen blir det baka, rørt og steikt lokale rettar på De heibergske samlingar folkemuseum. Lokale delikatesser gjev meirsmak blant gjestene.

Camilla Skjær Brugrand E-post
Publisert 20.06.2012 kl 14:36 Oppdatert 20.06.2012 kl 14:50

Tips ein venn på e-post:


...
LOKAL DELIKATESSE: Dagens hovudrett bestod av grilla laks, heimelaga original potetsalt, pesto og ein kortreist salat med berre lokale råvarer. Foto: Camilla Skjær Brugrand
...
TØR Å PRØVA NOKO NYTT: Hege-Beate Weum Andresen arbeider som kokke på museet i sommarhalvåret. Ho er svært nøgd med å kunne drive med det ho likar best og i tillegg vera omringa av så mykje historie. Foto: Camilla Skjær Brugrand

– Museet blir ein arena for å presentera ikkje berre gjenstandar og den gamle livsstilen, men også den lokale maten som folk levde av på den tida, og som framleis er aktuell i dag, seier Judith Vestrheim som arbeider på museet.

Kulturformidlar

Kvar onsdag i heile sommar kjem det lokalprodusentar og kokkar for å laga kortreist mat og servera til dei besøkjande. Mange av kokkane som var der i fjor kjem attende, men det er også duka for nye innspel denne sommaren. Museet vil i år presentera sin eigen lokale rett der dei har planar om å bruka kortreiste ingrediensar som urter frå hagen, ost frå Undredal og ein lokal kjøtvariant.

– Me fungerer som ein kulturformidlar både på matfronten og for korleis menneske levde i Sogn før i tida. Det er ein viss tyngde på maten som me lagar på kjøkenet her, seier Vestrheim.

Matglade turistar

Dette er femte sesongen dei tilbyr lokalmat på onsdagar.

– Turistar synest det er spennande med kortreist mat. Dei spøre titt og ofte etter lokale rettar. Særleg populær er rømmegraut med spekemat og fersk brødbakst. Grunna den store populariteten har me valt å servera dette kvar søndag framover, seier Vestrheim.

Føretrekk kortreist

Hege-Beate arbeider om sommaren som kokke på kjøkenet til Sogn Folkemuseum, og meiner dette er draumejobben å vera omringa av god lokalmat og historie.

– Når eg reiser til Spania vil eg smaka tapas, og når eg er i Italia vil eg helst eta den lokale pastaen. Eg trur tilreisande har det på same måten, dei ynskjer å smaka på den lokale delikatessa. Nytt nordisk kjøken er jo litt i vinden for tida også. Folk ynskjer ikkje industrimat, dei vil ha ekte råvarer og ekte mat, seier Andersen.

Les meir i papirutgåva eller e-avisa

På framsida no


...

Merkar cruisenedgangen

Adventure Tours har spesialisert seg på å visa turistane lustranaturen. Også dei merkar at færre turistar stig i land frå skipa.

Hjort måtte bøta med livet

Politiet minner om alle som er innblada i veguhell må stoppa og hjelpa personar og dyr som er komne til skade.

...

To brannar i Aurland

Lynet har slege ned to stader.

...

Kom tungt væpna til travel cruisehamn

Tiltak er sett i verk fleire stader i Sogn og Fjordane, også i Flåm.