...
?NY SESONG: Mats Vatlestad og Marius Loftesnes er klar for ein ny sesong med Sogna-Jam. Foto: Arkivfoto

Klare for meir Sogna-Jam

Årets fyrste jam i sentrumsparken.

Håvard Nesbø E-post
Publisert 19.06.2012 kl 17:00 Oppdatert 19.06.2012 kl 17:00

Tips ein venn på e-post:



Laurdag 30. juni vil Sogna-Jam starta opp att fjorårets suksess, fyrste gong i samband med Sognefjord Lerum Cup. Den fyrste konserten for sesongen vert flytta ut av Kafe Krydder til den veleigna sentrumsparken i Sogndal.

Sogna-Jam har tidlegare hatt fredagar som fast konsertdag, og slik vert det i år også. Årets fyrste jam vert flytta for å tilpassa seg resten av programmet under cup-helga. Det vert mogleg å kjøpe grillmat, og butikkane held langope, så alt ligg til rette for ei flott utandørs musikalsk oppleving i sentrumsparken til Sogndølene.

Flyttar utandørs

– I samband med Lerum Cup er det venta store mengder menneske i sentrum av Sogndal desse dagane, og det er då naturleg å halde dette utandørs, seier Marius Loftesnes som i lag med Mats Vatlestad er primus motor bak initiativet.

I ryggen har Loftesnes blant anna handelsforeininga Sogndal Handel og Service, som ynskjer at dei mange tilreisande også skal få oppleve sentrumsparken frå si flottaste side denne kvelden.

Alle kan delta

Sogna-Jam vart for fyrste gong arrangert i fjor sommar, som eit svar på Sogn Avis sine mange saker om manglande tilbod i Sogndal om sommaren.

Arrangementet er i tett samarbeid med Kafe Krydder, og konseptet går ut på at kven som helst er velkomne på scena for å syngje og spele. Sogna-Jam vil bli arrangert seks fredagar i sommar, og meir informasjon om arrangementa kan ein finna på Facebook eller i brosjyrane som skal sendast ut. Ifølgje Loftesnes er terskelen låg for å entre scena.

– Me hadde fantastiske kveldar i fjor, og me ønskjer at så mange som mogleg får oppleva den magiske stemninga, avsluttar Loftesnes.

På framsida no


Stine overraska med julesong på toget

Stine Beate Bøthun Breilid har ein av hovudrollane i det digitale julekortet frå Flytoget.

...

NRK1 tjuvstartar med ekstra Julelutt

NRK sentralt er så godt nøgd med konserten i Sogndal kulturhus at det blir ei ekstra visning.

...

Hovudvitne sikta for vald mot Veronica

Mannen som tidlegare har blitt sikta for falsk forklaring har no blitt sikta for vald mot Veronica Heggheim Stegegjerdet i det tidsrommet ho forsvann.

...

Her startar oftast brannen

Berre to av ti nordmenn veit at komfyren er den hyppigaste brannårsaka i heimen, ifølgje Direktoratet for samfunnstryggleik og beredskap.