25 kilo er temmeleg digert – sjølv om arenaen er av nordnorsk kvalitet.

Aril Grønningen har fiska i Vesterålen siste to vekene og fekk tidlegare i denne veka litt av eit eksemplar om bord i båten «Andre».

– Den ligg filetert i frysen og blir med heim til Sogn?

– Skreien vart levert til mottaket i lag med resten av fangsten, det blir for grovt. Fisken freista meg ikkje, seier Aril Grønningen som brukte eit par veker på turen nordover frå Vik til Vesterålen.

– Det står bra til i nord?

– Veldig bra. Vêret har vore godt bortsett frå ruskevêret i dag, sa Aril Grønningen seint torsdag ettermiddag.

Linn Bad-sjefen er registrert i fiskarmanntalet og har ein kvote på 28 tonn filetert skrei.

– Eg tvilar på at eg fyller kvoten, seier Grønningen som drog sørover til Vestlandet med fly i går.

– Eg blir heime ei vekes tid og er tilbake på skreifisket rundt 10. februar.