Å gå med «skylappar» i fotgjengarfelt eller i vegbana kan vera risikofylt. Har du i tillegg musikk på øra, er det tre gonger så stor sjanse for at du blir påkøyrd. Dette er konklusjonen i ei heilt ny undersøking publisert i det amerikanske tidsskriftet Injury Prevention.

Sjå og høyr

Tala frå undersøkinga har også overføringsverdi til norske forhold, meiner pressetalsmann Roald Stigum Olsen i Tryg Forsikring.

– Det er ikke nok å ha augo med seg når ein går i trafikken. Høyrselen er like viktig, seier han.

Undersøkinga tok føre seg påkøyrsler i perioden mellom 2004 til 2011. To av tre påkjøryrde fotgjengarar var menn under 30 år. Berre éin av ti var mindreårige under 18 år. I nesten éin av tre tilfelle hadde bilisten anten brukt hornet eller ropt til fotgjengaren før påkøyrselen.

Kjent fenomen

Det er ifølge Tryg ikkje eigne tal som viser påkøyrsler der «podgjengarar» var innblanda.

– Me opplever likevel frå tid til annan at einskilde tilstår at fikling med til dømes iPod, telefon, GPS eller liknande har vore ein medverkende årsak til eit uhell, men det er sjeldan. Dei færraste vil vedkjenna seg at dei har vore uoppmerksame. Det er difor all mogeleg grunn til å tru at det er store mørketal på dette området, seier Roald Stigum Olsen.

Talet skadde fotgjengarar har gått ned frå 959 i 2010 til 444 for 2011. I 2009 var det heile 1127 påkøyrsler, ifølge FNOs trafikkskadestatistikk.