Betre tannhelse
Tal frå Fylkesspegelen syner at tannhelsa blant 5-, og 12-åringar har betra seg vesentleg i perioden frå 2003 til 2010.
Begge aldersgruppene ligg over landsgjennomsnittet, og det er 5-åringane som har færrast hol i tennene.
Det er naturleg at dei yngste har færrast hol (karies), i og med at karies er ein sjukdom som utviklar seg over tid.
I 2003 hadde 64 prosent av 5-åringane ingen hol, og dette hadde auka til 83 prosent i 2010. Når det gjeld 12-åringane var 58 prosent feilfrie i 2010, mot 47 prosent i 2003.
Noko av grunnen til betringa er at den offentlege tannhelsetenesta har lagt stor vekt på førebyggjande arbeid dei siste åra. Førebygging blir prioritert framfor reparasjon. Me ser no resultatet av dette. Tannhelsetenesta møter ungane både på tannklinikkane og driv opplysningsarbeid på skular og i barnehagar. Det kan også spele inn at det frå tidleg på 2000-talet har vore gitt klare råd om å bruke fluor for å førebyggje hol i tennene, går det fram av ei melding frå fylkeskommunen.
Mest lese nett no
Mest populære biletseriar
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
Nye kommentarar