Det var søndag ostekjøpet av det meir spektakulære slaget gjekk føre seg.

Ville ha show

– Eg fekk ein telefon frå skipet søndag morgon om at dei ville laga litt ekstra show for passasjerane. Eg såg med ein gong føre meg at dei ville ha litt lokal underhaldning, men det dei ville ha var lokal ost, seier butikkeigar Leif Inge Underdal.

Ein lettbåt med mannskap vart sett på vatnet og vende kursen mot flytebryggja. På land stod Leif Inge Underdal klar med bestillinga, eit knippe av den populære undredalsosten, både brun og kvit. Like etter var lettbåten på veg mot moderskipet, med den edle vara om bord.

Sjeldan handel

– Er det vanleg med slik handel i Underdal?

– Nei, dette er heller sjeldan, men eg meiner det også har skjedd tidlegare, seier Underdal.